Քանի ՀՀ քաղաքացի է հրաժարվել կապույտ անձնագրից 10 տարում

«Փաստերի ստուգման հարթակն» ամփոփել է 2015 թվականից ի վեր Հայաստանի Հանրապետության քաղաքացիությունից հրաժարված անձանց թիվը՝ ըստ տարիների։ 

ՀՀ ներքին գործերի նախարարության Միգրացիայի և քաղաքացիության ծառայության տվյալների համաձայն՝ 2015 թվականից մինչև 2024 թվականի սեպտեմբեր ամիսը ներառյալ կապույտ անձնագրից հրաժարված քաղաքացիների թիվը կազմել է 43,375։ 

Ընդ որում, 2015-2019 թվականներին քաղաքացիությունից հրաժարվածների թիվը տարեցտարի աճել է, իսկ 2020 թվականից սկսած՝ մինչև նախորդ տարի, տարեցտարի նվազել։ 

Այսպես, 2015 թ․-ին քաղաքացիությունից հրաժարվել է 2476 հոգի, 2016 թ․-ին՝ 3516, 2017 թ․-ին՝ 4733, 2018 թ․-ին՝ 5422, 2019 թ․-ին՝ 6525, 2020 թ․-ին՝ 5596, 2021 թ․-ին՝ 4510, 2022 թ․-ին՝ 4417, 2023 թ․-ին՝ 3321, 2024 թ․-ի սեպտեմբերի դրությամբ՝ 2859։ 

Ավելի վաղ FIP.am-ը գրել էր, որ 2018-2024 թվականների ընթացքում ՀՀ քաղաքացիությունից հրաժարվել է ընդհանուր առմամբ 11,830 արական սեռի քաղաքացի։

Նանե Մանասյան