Հրապարակվել են ԱԱԾ «չափազանց» կեղծ փաստաթղթեր

Արդեն մի քանի օր է` համացանցում ակտիվորեն շրջանառվում են վարչապետ Նիկոլ Փաշինյանի` իբր Ազգային անվտանգության ծառայության գործակալ լինելու մասին տեղեկություններ։ Ու թեև առաջին իսկ հայացքից երևում է, որ հրապարակված փաստաթղթերը կեղծ են, այդուհանդերձ, որոշ շրջանակներում դրանք թյուրըմբռնման տեղիք են տվել։

Ներկայացնում ենք հրապարակված փաստաթղթի անճշտությունները։

1․ Փաստաթուղթը կրում է «Չապազանց գաղտնի» պիտակը։ Նախ նշենք, որ «չափազանց» բառի արմատն է «չափ» բառը, որը գրվում է «փ»-ով և ոչ «պ»-ով։ Եվ որ առավել կարևոր է, նմանօրինակ փաստաթղթերը ոչ թե «չափազանց գաղտնի» են այլ՝ «հույժ գաղտնի»։

2․ Սխալ է գրված նաև «ԾԱՌԱՅՈՒԹՅՈՒՆ» բառը։  Նշված է «ԾԱՌԱՅՈԹՅՈՒՆ»։

3․ Փաստաթուղթը կրում է «Գործակալային գործ» անվանումը։ Նախ, ոչ թե «գործակալային» այլ «գործակալական» և երկրորդը՝ իրական փաստաթղթերում այս երկու բառերից և ոչ մեկը չի օգտագործվում։

Այս, մեղմ ասած, վրիպակները ուղղակիորեն նշանակում են, որ վերը նշված «փաստաթղթերն» իրականության հետ որևէ կապ չունեն:

Ռաֆայել Աֆրիկյան