Մեր մասին

«Փաստերի ստուգման հարթակը» (անգլ․՝ Fact Investigation Platform — FIP) փաստերի ստուգմամբ զբաղվող անկախ զանգվածային լրատվության միջոց է, որը հիմնադրել է «Իրազեկ քաղաքացիների միավորում» խորհրդատվական հասարակական կազմակերպությունը։

FIP.am-ը հանդիսանում է փաստերի ստուգման ոլորտի առաջատարը Հայաստանում։

FIP.am-ի հիմնական նպատակն է բացահայտել պաշտոնյաների, պաշտոնական մարմինների ու լրատվամիջոցների կողմից հրապարակված՝ իրականությանը չհամապատասխանող տեղեկությունները:

Մեր լրագրողները սահմանափակված են լրագրողական էթիկայի կանոններով, ինչպես նաև Հայաստանի Հանրապետության օրենսդրությամբ: Մենք չենք ներկայացնում որևէ քաղաքական կուսակցության կամ այլ խմբի շահեր:

Գերակա շահը, որով առաջնորդվում են մեր լրագրողները, ակնհայտ ապատեղեկատվության տարածման կանխարգելումն է:

Տեղեկատվության տարածմամբ մեր թիմը չի նպաստում, դրդում կամ արդարացնում ագրեսիվ պատերազմները, մարդու իրավունքների ոտնահարումները, ինչպես նաև մարդկության կամ բնության դեմ հանցագործությունները:

FIP.am-ը չի հրապարակում այնպիսի նյութեր, որոնք խախտում են մարդկանց անձնական կյանքի գաղտնիությունը կամ արժանապատվության իրավունքը:

Մեր թիմը

Վահե Ղուկասյան

Վահե Ղուկասյանը՝ մասնագիտությամբ արևելագետ, 2013 թվականից աշխատում է մամուլի ոլորտում։ 2015 թվականից գրում է վերլուծական հոդվածներ «Իրազեկ քաղաքացիների միավորում» ՀԿ-ի համար՝ անդրադառնալով արտաքին քաղաքական զարգացումներին։ 2016 թվականից հանդիսանում է «Իրազեկ քաղաքացիների միավորման» խմբագիր։

Վահե Ղուկասյան

Խմբագիր

[email protected]

Սևադա Ղազարյան

2008-2016թթ. սովորել է Հայաստանի պետական ճարտարագիտական համալսարանում։ 2012-2014թթ. ծառայել է ՀՀ Զինված ուժերում։ 2014-2018թթ. աշխատել է մասնավոր սեկտորում։ 2018թ. հոկտեմբերից աշխատում է «Փաստերի ստուգման հարթակում»՝ որպես լրագրող:

Սևադա Ղազարյան

Լրագրող

[email protected]

Լուսինե Ոսկանյան

2013թ․ ավարտել է Երևանի պետական համալսարանի ժուռնալիստիկայի ֆակուլտետը: 2014 թվականից աշխատել է «Անկախ» շաբաթաթերթում: «Մեդիալաբ» արվեստի այլընտրանքային դպրոցի 2015-2016 ուստարվա շրջանավարտ է: 2019 թ-ից թղթակցում է «Երևան» և «Regional Post» ամսագրերին: Նույն տարում «Եվրոպական hամերաշխության կորպուս» ծրագրի շրջանակներում կամավորական աշխատանք է կատարել Խորվաթիայի Պուլա քաղաքում՝ համահեղինակելով ռադիո հաղորդում «RadioRojc»-ում: 2019թ-ի հոկտեմբերից աշխատում է «Փաստերի ստուգման հարթակում» ՝ որպես լրագրող:

Լուսինե Ոսկանյան

Լրագրող

[email protected]

Նելլի Լազարյան

Նելլի Լազարյանը 2001-2006թթ. սովորել է ՀՊՄՀ Կուլտուրայի ֆակուլտետի ժուռնալիստիկայի բաժնում։ 2010-2011թթ. աշխատել է A1plus.am կայքում։ 2011-2019թթ. աշխատել է Tert.am կայքում։ 2019թ-ի նոյեմբերից աշխատում է «Փաստերի ստուգման հարթակում»՝ որպես լրագրող:

Նելլի Լազարյան

Լրագրող

[email protected]

Անի Ավետիսյան

Անի Ավետիսյանը սովորում է Երևանի պետական համալսարանի ժուռնալիստիկայի ֆակուլտետում։ 2016 թվականից թղթակցում է երիտասարդական պարբերականների։ 2018թ․ – 2019 թվականներին որպես տվյալների լրագրող աշխատել է «Ամփոփ մեդիա»-ում ։ 2019-ի աշնանից աշխատում է «Փաստերի ստուգման հարթակում»՝ որպես լրագրող:

Անի Ավետիսյան

Լրագրող

[email protected]