ՓԱՍՏԱՉԱՓ
Խոշորացույց
Թիվ-թվանք
Տեսանյութեր
հյ
ру
en
«Փաստերի ստուգման հարթակը (FIP.am) անկախ լրատվամիջոց է, որը հիմնադրվել է 2016 թվականին «Իրազեկ քաղաքացիների միավորման» կողմից:
FIP.am-ը փաստերի ստուգման՝ ֆակտչեքինգային լրագրության առաջին և առաջատար մասնագիտացած լրատվամիջոցն է Հայաստանում:
FIP.am-ի հիմնական նպատակն է պաշտոնյաների, պաշտոնական մարմինների և լրատվամիջոցների կողմից հրապարակված ապատեղեկատվության և մանիպուլյացիաների բացահայտումը:
Հրապարակումները պատրաստելիս մեր լրագրողները պահպանում են լրագրողական էթիկայի կանոնները, ինչպես նաև Հայաստանի Հանրապետության օրենսդրությունը։ Մենք չենք ներկայացնում որևէ քաղաքական կուսակցության կամ այլ խմբի շահեր։
Ակնհայտ ապատեղեկատվության տարածման կանխարգելումը մեր լրագրողների համար առաջնահերթ խնդիր է։
«Փաստերի ստուգման հարթակի» թիմը չի խթանում, չի հրահրում և չի արդարացնում ագրեսիվ պատերազմները, մարդու իրավունքների խախտումները, մարդկության կամ բնության դեմ հանցագործությունները:
FIP.am-ը չի հրապարակում նյութեր, որոնք խախտում են մարդկանց կյանքի գաղտնիությունը կամ արժանապատվության իրավունքը:
«Իրազեկ քաղաքացիների միավորումը» (ԻՔՄ) FIP.am-ի մայր կազմակերպությունն է: ԻՔՄ-ի նպատակն է կարևոր խնդիրների վերաբերյալ հանրային իրազեկվածությունը բարձրացնելը՝ նվազագույնի հասցնելով ապատեղեկատվությունը և դրա ազդեցությունը հասարակական կարծիքի ձևավորման և որոշումների կայացման վրա:
ԻՔՄ-ն հրապարակայնորեն թվարկում է յուրաքանչյուր ծրագրի ֆինանսավորման աղբյուրները, ներառյալ այն ծրագրերը, որոնք ֆինանսավորում են FIP․am-ը:
FIP.am-ը, իր հերթին, հրապարակայնորեն ներկայացնում է ծրագրի գործընկերներին՝ կայքի ստորին հատվածում:
2023 թվականին «Փաստերի ստուգման հարթակը» միացել է «Փաստերի ստուգման ցանցին»՝ համագործակցության հուշագիր ստորագրելով փաստերի ստուգմամբ զբաղվող գործընկերների հետ:
Մեր թիմը
Վահե Ղուկասյան
Վահե Ղուկասյան
Խմբագիր
Նանե Մանասյան
Նանե Մանասյանը ավարտել է Երևանի պետական համալսարանի ժուռնալիստիկայի ֆակուլտետը, մագիստրոսի կոչում է ստացել Արևելագիտության ֆակուլտետի թուրքագիտության բաժնից: Լրագրությամբ զբաղվում է 2014 թվականից՝ աշխատելով «Լրատվական» ռադիոյում, PanARMENIAN.Net կայքում, «Երկիր Մեդիա» և «Արմենիա» հեռուստաընկերություններում։ 2017-2019 թվականներին եղել է «Երիտասարդական ակումբների դաշնություն» ՀԿ գլխավոր քարտուղարը, 2019 թվականից աշխատել է «Իրազեկ քաղաքացիների միավորում» ՀԿ-ում՝ որպես ԶԼՄ-ների մոնիտորինգի փորձագետ, 2021 թվականի սեպտեմբերից աշխատում է FIP.am-ում՝ որպես լրագրող։
Նանե Մանասյան
Լրագրող
Հասմիկ Համբարձումյան
Հասմիկ Համբարձումյանը ավարտել է ԵՊՀ Ժուռնալիստիկայի ֆակուլտետը, աշխատել հայաստանյան տարբեր լրատվամիջոցներում և կազմակերպություններում՝ Panorama.am, MediaLab.am, Parliamentmonitoring.am, «Լրագրողներ հանուն մարդու իրավունքների» ՀԿ (Forrights.am): 2019-2021 թթ․ աշխատել է ՀՀ ֆինանսների նախարարությունում՝ որպես հանրային կապերի գլխավոր մասնագետ։ Մասնակցել է լրագրողական փոխանակման միջազգային բազմաթիվ ծրագրերի, հաջողությամբ ավարտել Thomson Reuters Foundation-ի լրագրողական վերապատրաստման կուրսերը։ 2023-ին ավարտել է Մեդիա նախաձեռնությունների կենտրոնի Մեդիա կառավարման դասընթացը, այնուհետև մասնակցել Բոննում անցկացվող DW Global Media Forum-ին։ 2024 թվականի մայիսից աշխատում է FIP.am-ում՝ որպես գլխավոր խմբագիր։
Հասմիկ Համբարձումյան
Գլխավոր խմբագիր
Սյուզաննա Համբարձումյան
Սյուզաննա Համբարձումյանն ավարտել է Արցախի պետական համալսարանի Անգլերեն լեզու և գրականություն բաժինը: Լրագրությամբ զբաղվում է 2021 թվականից՝ աշխատելով Artsakh Speaks լրատվականում: 2024 թ․ մարտից Հանրային լրագրության ակումբի կողմից կազմակերպված՝ «Պրոֆեսիոնալ մեդիան և քաղհասարակությունը միավորում են ուժերը՝ հանուն երկխոսության» ծրագրի շրջանակում վեցամսյա փորձուսուցում է անցել FIP.am-ում: 2024 թ․ նոյեմբերից աշխատում է FIP.am-ում՝ որպես լրագրող:
Սյուզաննա Համբարձումյան
Լրագրող
Շուշան Հարությունյան
Շուշան Հարությունյանը ավարտել է Երևանի պետական համալսարանի բանասիրական ֆակուլտետի ռուսական բաժինը: 2015 թվականից աշխատել է analitik.am լրատվական կայքում՝ որպես խմբագիր-թարգմանիչ: 2016 թվականի մայիսից աշխատում է մշակութային և կրթական «Ժամ» (Մոսկվա) ամսագրում՝ որպես սրբագրիչ: 2016 թվականի հունվարից աշխատում է FIP.am-ում՝ որպես թարգմանիչ և կայքերի մոդերատոր:
Շուշան Հարությունյան
Թարգմանիչ
