Ֆեյսբուք սոցիալական ցանցում «Իմ քայլը» դաշինքի ավագանու թեկնածու Հայկ Մարությանի անունով բացված ֆեյսբուքյան էջից գրառում է կատարվել.
«Սիրելի Երևանցիներ,
Մոտ մեկ ամսից Երևանում չի լինի ոչ մի երթուղային գիծ, ոչ մի գծատեր !!!
Չի լինի գեթ մեկ “գազել” մակնիշի երթուղային տաքսի։
Ներմուժվելու է նոր Չինական ավտոբուսներ, շատ հարմարավետ, ինչպես նաև հաշմանդամություն ունեցող անձանց համար են հարմար։
Ձեր` Հայկ Մարության
Խնդրում եմ տարածեք, բոլորը իմանան»:
Տարբեր լրատվամիջոցներ արդեն իսկ տարածել են հաղորդագրությունը: Չնայած Հայկ Մարությանի նկարով և «Իմ քայլը» դաշինքի նշանով այս էջը ունի ավելի քան 6000 հավանում և 7100 հետևորդ, սակայն որևէ կապ չունի Հայկ Մարությանի հետ, իսկ հաղորդագրությունը ապատեղեկատվություն է:
Սա հաստատեց նաև «Քաղաքացիական պայմանագիր» կուսակցության մամուլի խոսնակ Վահան Կոստանյանը՝ կոչ անելով նյութ գրելիս հիմք չընդունել այդ էջում հրապարակված ապատեղեկատվությունը:
Հավելենք նաև, որ Հայկ Մարությանի ֆեյսբուքյան իրական էջն ունի մոտ 10 հազար հավանում և 11 հազար հետևորդ:
Կարինե Կիրակոսյան
ՈՒՇԱԴՐՈՒԹՅՈՒՆ
Հարգելի՛ ընթերցող, տեղեկացնում ենք, որ SUT.am-ը շուտով հանդես է գալու նոր՝ «Փաստերի ստուգման հարթակ» անունով և FIP.am կայքով։
