Սաղաթելյանը սխալվում է՝ ընդդիմադիրները «ժեխ», «զոմբի» և «թուրք» անվանում են իրենց չմիացողներին

Մայիսի 10-ին Ֆրանսիայի հրապարակում ընդդիմադիր «Դիմադրություն» շարժման հանրահավաքի ընթացքում ՀՅԴ-ական Իշխան Սաղաթելյանը հայտարարել է, թե «բացի Նիկոլից ու իր նեղ խմբակից, մեր ժողովրդի մեջ թուրքեր չեն փնտրում»։

«Այս շարժումը մերժում է սևեր-սպիտակներ, ժեխեր-զոմբիներ կամ ցանկացած այլ բաժանում։ Այս շարժումը համախմբող, հայ ժողովրդին նոր զարթոնքի տանող շարժում է», — ասել է նա։

«Փաստերի ստուգման հարթակը» մեկտեղել է ապրիլի վերջերից մեկնարկած բողոքի գործողությունների ընթացքում շարժման առաջնորդների, հարթակից ելույթ ունեցողների, համակիրների ատելության խոսք պարունակող, վիրավորական արտահայտություններով դրվագները։