ՓԱՍՏԱՉԱՓ
Խոշորացույց
Թիվ-թվանք
Տեսանյութեր
հյ
en
ру
X-ում (նախկին Twitter) ավելի քան 360,000 հետևորդ ունեցող Hareem Shah անունով օգտատերը հրապարակել է Արցախի քաղաքական գործիչների՝ Բաքվում ապօրինի ձերբակալության կադրերը և ներկայացրել դրանք որպես ՀԱՄԱՍ-ի կողմից իսրայելացի բարձրաստիճան գեներալների գերեվարման տեսարաններ։
«Մի քանի բարձրաստիճան իսրայելացի զինվորականներ ձերբակալվել են ՀԱՄԱՍ-ի (զինյալ կազմակերպություն Պաղեստինում,-խմբ․) կողմից»,- նշել է օգտատերը։
LATEST: Several high-profile Israel i Generals captured by Hamas fighters#Israel #Palestine #Hamas #طوفان_الأقصى #Hezbollah #حماس pic.twitter.com/JMkH3a862x
— Hareem Shah (@_Hareem_Shah) October 8, 2023
Հատկանշական է, որ այդ պնդումով տեսանյութը հայտնվել է նաև իրանական IRINN հեռուստաալիքնի եթերում․ մեկնաբանը կալանավորվող արցախցի գործիչներին ներկայացրել է որպես ՀԱՄԱՍ-ի կողմից գերեվարված իսրայելացի գեներալներ։
Մինչդեռ այդ կադրերը, որոնք տեղեկատվական տիրույթում շրջանառության մեջ են դրվել ադրբեջանական իրավապահ մարմինների կողմից օրեր առաջ, պատկերում են Արցախի նախկին նախագահներ Արկադի Ղուկասյանի, Բակո Սահակյանի և Արցախի ԱԺ նախագահ Դավիթ Իշխանյանի՝ Ադրբեջանի կողմից ապօրինի ձերբակալության տեսարաններ։
Նանե Մանասյան
