Մանվել Գրիգորյանը կոմայի մեջ չէ

Լրատվամիջոցներում տարածված լուրերը, որ նախկին պատգամավոր, գեներալ Մանվել Գրիգորյանը կոմայի մեջ է, չեն համապատասխանում իրականությանը։ Այս մասին FIP.am-ին հայտնեց «Գրիգոր Լուսավորիչ» ԲԿ-ի փոխտնօրեն Արտակ Մանուկյանը։

Վերջինս նշեց, որ Գրիգորյանն իրենց բժշկական կենտրոն է տեղափոխվել հունիսի 5-ի լույս 6-ի գիշերը «Դատապարտյալների հիվանդանոց» քրեակատարողական հիմնարկից՝ «ծայրահեղ ծանր» վիճակում, սակայն ոչ այդ պահին, ոչ էլ այժմ կոմայի մեջ չէ։

Հունիսի 6-ի առավոտյան Aysor.am-ի հետ զրույցում Գրիգորյանի փաստաբան Արսեն Մկրտչյանը պնդել էր, որ գեներալը «կոմայի մեջ է ընկել, դրա համար է տեղափոխվել քաղաքացիական հիվանդանոց»։ Սա վերահրապարակել են Panorama.am, Panarmenian.net և Times.am կայքերը:

Հովհաննես Նազարեթյան