ԻՐԱԶԵԿ ՔԱՂԱՔԱՑԻՆԵՐԻ ՄԻԱՎՈՐՈՒՄ•UNION OF INFORMED CITIZENS•СОЮЗ ИНФОРМИРОВАННЫХ ГРАЖДАН
Fact Investigation Platform
Նվիրաբերել
ՏԵՂԵԿԱՑՆԵԼ ԿԵՂԾԻՔԻ ՄԱՍԻՆ
Donate
REPORT DISINFORMATION
Поддержать
СООБЩИТЬ О ДЕЗИНФОРМАЦИИ
  • ՓԱՍՏԱՉԱՓ
    • ՍԽԱԼ
    • ՄԵԾԱՄԱՍԱՄԲ ՍԽԱԼ
    • ԱՌԱՆՑ ՎՃՌԻ
    • ՄԵԾԱՄԱՍԱՄԲ ՃԻՇՏ
    • ՃԻՇՏ
    • ՖԵՅՔ
    • ՄԱՆԻՊՈՒԼՅԱՏԻՎ
  • Խոշորացույց
  • Թիվ-թվանք
  • Տեսանյութեր
  • Բոլորը
  • հյհյ
    • Русский (ru)ру
    • English (en)en
Արդյունքներ չեն գտնվել
Դիտել բոլոր արդյունքները
FIP.AM
  • ՓԱՍՏԱՉԱՓ
    • ՍԽԱԼ
    • ՄԵԾԱՄԱՍԱՄԲ ՍԽԱԼ
    • ԱՌԱՆՑ ՎՃՌԻ
    • ՄԵԾԱՄԱՍԱՄԲ ՃԻՇՏ
    • ՃԻՇՏ
    • ՖԵՅՔ
    • ՄԱՆԻՊՈՒԼՅԱՏԻՎ
  • Խոշորացույց
  • Թիվ-թվանք
  • Տեսանյութեր
  • Բոլորը
  • հյհյ
    • Русский (ru)ру
    • English (en)en
Արդյունքներ չեն գտնվել
Դիտել բոլոր արդյունքները
ԻՐԱԶԵԿՔԱՂԱՔԱՑԻՆԵՐԻՄԻԱՎՈՐՈՒՄ
FIP.AM
Արդյունքներ չեն գտնվել
Դիտել բոլոր արդյունքները
Նվիրաբերել
Գլխավոր Սխալ

Ծառուկյանը խեղաթյուրում է փաստերը. ինչ է եղել 2015 թ. սահմանադրական փոփոխություններից առաջ

18:22, 21 Հնվ, 2020

ՍԽԱԼ

Սահմանադրական փոփոխություններին դեմ էի միայն ես, ու հիմնականում քաղաքական որևէ ուժ ինձ չպաշտպանեց. Գագիկ Ծառուկյան

Ազգային ժողովում հունվարի 20-ին «Բարգավաճ Հայաստան» խմբակցության ղեկավար Գագիկ Ծառուկյանը լրագրողների հետ ճեպազրույցում հայտարարել է, որ ինքը 2015 թվականին սահմանադրական փոփոխություններին դեմ արտահայտվող միակ քաղաքական ուժն էր, և որևէ այլ ուժ իրեն չի պաշտպանել: 

«Դուք գիտեք, թե ինչ կատարվեց «Բարգավաճի», Ծառուկյանի գլխին 15 թվականին։ Հիմնականը այս խնդիրն էր, որ կիսանախագահականը պետք է փոխվեր խորհրդարանական, որը ես առաջարկում էի, ասում էի, որ պատերազմող երկրում այդպիսի բան պետք է չլինի: Եվ այն, ինչ կատարվեց իմ թիմի հետ, դա բոլորդ գիտեք: Դեմ էի միայն ես, ու հիմնականում քաղաքական որևէ ուժ ինձ չպաշտպանեց…։ Կալանավորվեցին 639 իմ ակտիվիստներից մեկ օրվա մեջ, որ ես նայելով, ասենք, ասացի, քաղաքական էջը կարող եմ ծալեմ, խնդիր չկա, միայն թե բոլորին բաց թողեք»,- ասել է Գագիկ Ծառուկյանը:

«Փաստերի ստուգման հարթակը» որոշեց ուսումնասիրել 5 տարի առաջ տեղի ունեցած իրադարձությունների ընթացքը՝ հասկանալու, թե ի՞նչ է իրականում եղել, և արդյո՞ք Գագիկ Ծառուկյանի հայտարարությունը համապատասխանում է իրականությանը: 

Իրավիճակը սահմանադրական փոփոխությունների նախաշեմին

2013 թվականին նախագահ Սերժ Սարգսյանի հրամանագրով ստեղծվեց սահմանադրական բարեփոխումների մասնագիտական հանձնաժողով, որը պետք է զբաղվեր սահմանադրական փոփոխությունների հայեցակարգի և նախագծի մշակմամբ։ 

2014 թվականի սկզբին ԲՀԿ-ն Հայ հեղափոխական դաշնակցության, «Ժառանգության», Հայ ազգային կոնգրեսի հետ ձևավորել էր Քառյակ դաշինքը, որը երկրում մի շարք ոլորտներում փոփոխությունների 12 պահանջ էր ներկայացրել։ Երբ հրապարակվեց սահմանադրական փոփոխությունների նախագիծը, որով նախատեսվում էր Հայաստանում կառավարման կիսանախագահական համակարգը փոխարինել խորհրդարանականով, ոչ իշխանական երեք ուժերը` «Բարգավաճ Հայաստանը», Հայ ազգային կոնգրեսը և «Ժառանգությունը», հայտարարեցին, որ դեմ են սահմանադրական փոփոխություններին, և այդ գործընթացը որակեցին որպես ՀՀԿ-ի կողմից «իշխանության վերարտադրման փորձ»:

ՀՅԴ-ն կողմ արտահայտվեց սահմանադրական փոփոխություններին և սառեցրեց իր անդամակցությունը քառյակին։ Քառյակը դարձավ եռյակ և խոստացավ թեժ աշուն՝ հանրահավաքների շարք սկսելով մարզերում, որոնք ավարտվեցին Երևանի Ազատության հրապարակում հոկտեմբերին տեղի ունեցած երկու հուժկու հանրահավաքներով։

Սերժ Սարգսյան-Գագիկ Ծառուկյան առճակատում 

2015 թ. փետրվարի 5-ին Գագիկ Ծառուկյանն իր նորակառույց հյուրանոցում քաղաքական-հասարակական ուժերի խորհրդաժողով հրավիրեց և խիստ քննադատության ենթարկեց իշխանություններին։ Ի պատասխան՝ վարչապետ Հովիկ Աբրահամյանը Ծառուկյանին զգուշացրեց «անձամբ հետևել իր քաղաքական կառույցից հնչող հայտարարություններին»․ «Եթե ԲՀԿ առաջնորդը չհետևի այդ անպատասխանատու հայտարարություններին, ապա դրանցից բխող հնարավոր զարգացումների և սրացումների ողջ քաղաքական պատասխանատվությունը մնալու է անձամբ Գագիկ Ծառուկյանի վրա»:

Եռյակի գործունեության համար շրջադարձային էր 2015 թվականի փետրվարի 12-ը: Այդ օրը ՀՀԿ գործադիր մարմնի նիստում գործող նախագահ, ՀՀԿ առաջնորդ Սերժ Սարգսյանը հանդես եկավ հայտնի ելույթով՝ հայտարարելով, որ «Գագիկ Ծառուկյան քաղաքական դերակատարը մեր երկրի համար դարձել է չարիք»:

Իր ծավալուն ելույթը Սերժ Սարգսյանն ամփոփեց անելիք չորս քայլերով՝ Ծառուկյանն ազատվում էր Ազգային անվտանգության խորհրդի անդամի պաշտոնից, խորհրդարանում սկսվում էր Ծառուկյանին մանդատից զրկելու գործընթաց, հարկային մարմինները ստուգումներ են սկսում Ծառուկյանին պատկանող ձեռնարկություններում, ստուգվում է Ծառուկյանի առնչությունը բազմաթիվ քրեական հանցագործությունների հետ։

Ի պատասխան՝ փետրվարի 13-ին Ծառուկյանը կուսակցության քաղաքական խորհրդի նիստի ժամանակ կոչ արեց անդադար բողոքի ակցիաներ անցկացնել՝ արտահերթ ընտրությունների հասնելու համար: ԲՀԿ քաղաքական խորհրդի նիստին հաջորդեց Ծառուկյանի հանդիպումը ՀԱԿ առաջնորդ Լևոն Տեր-Պետրոսյանի և «Ժառանգություն» կուսակցության առաջնորդ Րաֆֆի Հովհաննիսյանի հետ, որից հետո հայտարարվեց, որ ոչ իշխանական ուժերի հերթական հանրահավաքը տեղի կունենա փետրվարի 20-ին: 

Դրանից հետո սկսվեցին ճնշումներ ԲՀԿ անդամների վրա: Ըստ մամուլի հրապարակումների՝ մոտ 25 ԲՀԿ-ական բերման ենթարկվեց:

Փետրվարի 18-ին ԲՀԿ-ն հայտարարություն տարածեց փետրվարի 20-ի հանրահավաքը չեղյալ հայտարարելու մասին: Գագիկ Ծառուկյանը նշում էր, որ Հայաստանում առկա խնդիրները լուծելու համար անհրաժեշտ է ոչ թե պատերազմել միմյանց դեմ, այլ հանգիստ, առանց միմյանց վիրավորելու աշխատել: 

Փետրվարի 20-ին Ազատության հրապարակի  հանրահավաքին մասնակցեց միայն «Ժառանգություն» կուսակցության առաջնորդ Րաֆֆի Հովհաննիսյանը՝ իր թիմակիցների հետ, և հայտարարեց, որ ոչ իշխանական եռյակն այլևս գոյություն չունի: 

ԲՀԿ-ն փոխում է դիրքորոշումը

2015-ի մարտի 5-ին Գագիկ Ծառուկյանը հայտարարեց, որ հեռանում է ակտիվ քաղաքականությունից: Մարտի 12-ին ԲՀԿ ներկայացուցիչները հանդիպեցին նախագահ Սերժ Սարգսյանի հետ՝ սահմանադրական բարեփոխումներին առնչվող հարցեր քննարկելու համար։ 

Օգոստոսին ԲՀԿ-ական Միքայել Մելքումյանը հայտարարեց, որ իրենց դիրքորոշումը սահմանադրական փոփոխությունների վերաբերյալ փոխվել է։ Մելքումյանը նաև նշեց, որ ԲՀԿ-ն չի միանա սահմանադրական փոփոխությունների դեմ պայքարող «Չեք անցկացնի» նախաձեռնությանը։

Այս նախաձեռնությունը ձևավորվել էր «Ժառանգություն», ՀԱԿ և «Ազգային ինքնորոշում միավորում» կուսակցությունների ներկայացուցիչների, «Հիմնադիր խորհրդարանի» անդամների, «Ոտքի Հայաստան», ինչպես նաև ՀԿ անդամների և քաղաքագետների միավորմամբ։ Այս ուժերը պարբերաբար բողոքի ակցիաներ էին անցկացնում ընդդեմ Սահմանադրության փոփոխության:

Սեպտեմբերին ԲՀԿ-ն հայտարարեց, որ խմբակցությունը կողմ է քվեարկելու սահմանադրական բարեփոխումների նախագծին: Մյուս ուժերը շարունակեցին բողոքի ակցիաներն ընդդեմ փոփոխությունների։ 

Սահմանադրական փոփոխությունների հանրաքվեն տեղի ունեցավ 2015 թվականի դեկտեմբերի 6-ին և ընդունվեց 63.37% կողմ և 32.36% դեմ ձայների հարաբերակցությամբ։ 

Բերման ենթարկված ԲՀԿ-ականները

Ինչ վերաբերում է Գագիկ Ծառուկյանի մատնանշած՝ «կալանավորված» 639 ԲՀԿ-ական ակտիվիստներին, ապա, ըստ մամուլի հրապարակումների, 2015 թվականին զանգվածային կալանավորումների դեպքեր չեն եղել: Սակայն կան տվյալներ ԲՀԿ-ական երկու տասնյակ ակտիվիստների բերման ենթարկելու մասին: Նրանք մի քանի ժամ հետո բաց էին թողնվել, այսինքին՝ կալանք չէր եղել: 

«Փաստերի ստուգման հարթակի» հետ զրույցում ոստիկանության հասարակայնության հետ կապի և լրատվության վարչությունից չմտաբերեցին նման դեպք, այնուամենայնիվ՝ Fip.am-ը ոստիկանություն հարցում է ուղարկել՝ պարզելու, թե արդյո՞ք 2015 թվականին 639 ակտիվիստ է ձերբակալվել մեկ օրվա մեջ և ի՞նչ հանգամանքներում է դա տեղի ունեցել:

Այսպիսով, հիմք ընդունելով 2014-2015 թթ. տեղի ունեցած իրադարձությունները՝ կարող ենք փաստել, որ Գագիկ Ծառուկյանի հայտարարությունը, որ  սահմանադրական փոփոխություններին դեմ էր միայն ինքը, և որևէ քաղաքական ուժ իրեն չպաշտպանեց, չի համապատասխանում իրականությանը։ Առավել ակտիվ պայքարում էին ՀԱԿ-ը և «Ժառանգությունը» և այլ ուժեր, որոնց, փաստացի, լքեց Ծառուկյանը։ Ինչ վերաբերում է կալանավորված 639 ակտիվիստին, ապա այս մասով էլ բաց աղբյուրներում որևէ տվյալ չկա։ Ոստիկանությունից պատասխան ստանալուց հետո Fip.am-ը կտեղեկացնի ստացված տվյալների մասին։

Լուսինե Ոսկանյան

  • Total: 0
  • 0
  • 0
Թեգեր` Գագիկ Ծառուկյանսահմանադրական փոփոխություններՍերժ Սարգսյան

Հարակից հոդվածներ

Ցեմենտի շուկայի «ազատ» մրցակցության հետևանքները
Հետաքննություններ և խորքային ուսումնասիրություններ

Ցեմենտի շուկայի «ազատ» մրցակցության հետևանքները

12:33, 8 Նյմ, 2022

Նոյեմբերի 2-ին Ազգային ժողովում 2023 թվականի բյուջեի քննարկմանը ՀՀ վարչապետ Նիկոլ Փաշինյանը հայտարարեց, որ երկրում ցեմենտի, քարի և այլ շինանյութի...

«Մուլտի տրանսպորտը» ապօրինի բարձրացրել է Նոր Հաճն-Երևան երթուղու նախանշված գինը
Հետաքննություններ և խորքային ուսումնասիրություններ

«Մուլտի տրանսպորտը» ապօրինի բարձրացրել է Նոր Հաճն-Երևան երթուղու նախանշված գինը

10:43, 15 Օգս, 2022

2021 թվականի հոկտեմբերին Տարածքային կառավարման և ենթակառուցվածքների նախարարությունը Կոտայքի մարզի միասնական երթուղային ցանցի ներդրման համար մրցույթ էր հայտարարել, որին, ինչպես...

Ովքեր են հեռուստաընկերությունների սեփականատերերը և ինչ կապեր ունեն քաղաքական ուժերի հետ
Հետաքննություններ և խորքային ուսումնասիրություններ

Ովքեր են հեռուստաընկերությունների սեփականատերերը և ինչ կապեր ունեն քաղաքական ուժերի հետ

19:05, 11 Մյս, 2022

Հեռուստաալիքների լիցենզավորման՝ 2021-ի հունվարին կայացած մրցույթի արդյունքում Հայաստանի տարածքում հեռարձակվելու իրավունք ստացան «Արմենիա Թիվի», «Երկիր մեդիա», «Շանթ», «ATV», «Կենտրոն» հեռուստաալիքները:...

Ծառուկյանը վաճառել է գարեջրի գործարանը․ մանրամասներ գնորդից
Նոթատետր

Ծառուկյանը վաճառել է գարեջրի գործարանը․ մանրամասներ գնորդից

18:25, 8 Ապր, 2022

Մամուլը օրերս անդրադարձել էր գործարար Գագիկ Ծառուկյանին պատկանող գարեջրի գործարանը վաճառելու գործարքին։ Նշվում էր, որ գործարքը կայացել է 5 միլիոն...

Հարակից հոդվածներ

Ցեմենտի շուկայի «ազատ» մրցակցության հետևանքները
Հետաքննություններ և խորքային ուսումնասիրություններ

Ցեմենտի շուկայի «ազատ» մրցակցության հետևանքները

12:33, 8 Նյմ, 2022

Նոյեմբերի 2-ին Ազգային ժողովում 2023 թվականի բյուջեի քննարկմանը ՀՀ վարչապետ Նիկոլ Փաշինյանը հայտարարեց, որ երկրում ցեմենտի, քարի և այլ շինանյութի...

«Մուլտի տրանսպորտը» ապօրինի բարձրացրել է Նոր Հաճն-Երևան երթուղու նախանշված գինը
Հետաքննություններ և խորքային ուսումնասիրություններ

«Մուլտի տրանսպորտը» ապօրինի բարձրացրել է Նոր Հաճն-Երևան երթուղու նախանշված գինը

10:43, 15 Օգս, 2022

2021 թվականի հոկտեմբերին Տարածքային կառավարման և ենթակառուցվածքների նախարարությունը Կոտայքի մարզի միասնական երթուղային ցանցի ներդրման համար մրցույթ էր հայտարարել, որին, ինչպես...

Ովքեր են հեռուստաընկերությունների սեփականատերերը և ինչ կապեր ունեն քաղաքական ուժերի հետ
Հետաքննություններ և խորքային ուսումնասիրություններ

Ովքեր են հեռուստաընկերությունների սեփականատերերը և ինչ կապեր ունեն քաղաքական ուժերի հետ

19:05, 11 Մյս, 2022

Հեռուստաալիքների լիցենզավորման՝ 2021-ի հունվարին կայացած մրցույթի արդյունքում Հայաստանի տարածքում հեռարձակվելու իրավունք ստացան «Արմենիա Թիվի», «Երկիր մեդիա», «Շանթ», «ATV», «Կենտրոն» հեռուստաալիքները:...

Ծառուկյանը վաճառել է գարեջրի գործարանը․ մանրամասներ գնորդից
Նոթատետր

Ծառուկյանը վաճառել է գարեջրի գործարանը․ մանրամասներ գնորդից

18:25, 8 Ապր, 2022

Մամուլը օրերս անդրադարձել էր գործարար Գագիկ Ծառուկյանին պատկանող գարեջրի գործարանը վաճառելու գործարքին։ Նշվում էր, որ գործարքը կայացել է 5 միլիոն...

FIP.AM

  • Մեր մասին
  • Մեթոդաբանություն
  • Ուղղումների և բողոքների քաղաքականություն
  • Հետադարձ կապ

Գործընկերներ

Անդամակցություն

IFCN Signatory Badge




Copyright © 2025 Union of Informed Citizens

Արդյունքներ չեն գտնվել
Դիտել բոլոր արդյունքները
  • ՓԱՍՏԱՉԱՓ
    • ՍԽԱԼ
    • ՄԵԾԱՄԱՍԱՄԲ ՍԽԱԼ
    • ԱՌԱՆՑ ՎՃՌԻ
    • ՄԵԾԱՄԱՍԱՄԲ ՃԻՇՏ
    • ՃԻՇՏ
    • ՖԵՅՔ
    • ՄԱՆԻՊՈՒԼՅԱՏԻՎ
  • Խոշորացույց
  • Թիվ-թվանք
  • Տեսանյութեր
  • Բոլորը
  • Հայերեն (hy)
  • English (en)
  • Русский (ru)

Copyright © 2025 Union of Informed Citizens