Էկոնոմիկայի նախարար Վահան Քերոբյանը օրերս հայտարարել էր, որ այլ երկրների հետ համեմատած՝ Հայաստանում արձանագրված 8․5 տոկոս գնաճը «ֆանտաստիկ լավ արդյունք է»։
«Փաստերի ստուգման հարթակն» էլ ուսումնասիրել է ու պարզել, որ իսկապես, հարևան ու ԵԱՏՄ անդամ երկրների հետ համեմատած, Հայաստանում գնաճը նկատելիորեն ցածր է, իսկ աշխարհի առաջատար մի շարք տնտեսությունների համեմատ հայաստանյան գնաճը, փոքր բացառություններով, գտնվում է նույն մակարդակի վրա: