Որքան է մեքենաների ու վարելու իրավունք ունեցողների թիվը Հայաստանում

«Փաստերի ստուգման հարթակը», կարևորելով ընթերցողի հետ կապը, ընթերցողներից մեկի խնդրանքով անդրադարձել է Հայաստանում վարորդական իրավունք ունեցողների և սեփականության իրավունքով գրանցված տրանսպորտային միջոցների վերաբերյալ տվյալներին։ 

ՀՀ ներքին գործերի նախարարությունից FIP.am-ի հարցմանն ի պատասխան հայտնել են, որ 2020-ի նկատմամբ 2024 թվականի նոյեմբեր ամսվա դրությամբ սեփականության իրավունքով գրանցված մեքենաների թիվը Հայաստանում աճել է 87,424-ով կամ 10.5%-ով։ 

2021-ին 2020 նկատմամբ մեքենաների աճը կազմել է 0.7%, 

2022-ին 2021-ի նկատմամբ՝ 1.4%, 

2023-ին 2022-ի նկատմամբ գրանցվել է չորս տարվա մեջ աճի ամենաբարձր տեմպը՝ 5.3%, 

իսկ 2024-ին 2023-ի նկատմամբ աճը կազմել է 2.6%։ 

FIP.am-ը նախարարությունից հետաքրքրվել էր նաև, թե որքան է կազմում ՀՀ-ում վարորդական իրավունք ունեցող անձանց թիվը 2024 թվականի նոյեմբերի դրությամբ․ ըստ այդմ՝ ՆԳՆ-ից հայտնել են, որ Հայաստանում կա վարորդական իրավունք ունեցող 849,537 անձ։ 

Փաստացի, ՀՀ-ում վարելու իրավունք ունեցող անձինք 7.5%-ով ավելի քիչ են, քան գրանցված մեքենաների թիվը։ 

Նանե Մանասյան