Երթևեկելի 6 գոտու փոխարեն՝ 7 գոտի․ Դավթաշենի կամուրջը շահագործվում է կանոնների խախտմամբ

Երևանի Դավթաշենի կամրջի՝ Դավթաշենից դեպի Արաբկիր ուղղությամբ երթևեկությունը 4 գոտիով է իրականացվում, թեպետ մասնագետները վտանգ են տեսնում: 2023-ին երթևեկությունը կամրջի այդ հատվածով 4 գոտիով էր, սակայն 2024-ի տարեվերջին երթևեկելի 4 գոտին դարձավ 3 գոտի:

Բայց ինչպես երևում է կադրերից, պաշտոնական որոշումներն անտեսվում են, ու երթևեկությունը դարձյալ 4 գոտով է։

«Կամուրջշին» ՓԲԸ-ից FIP․am-ը տեղեկացել է, որ 4+3=7 երթևեկելի շերտերով իրականացված գծանշումը խախտում է և առաջացնում է Դավթաշեն կամրջի գերբեռնավորում։ Դրա հետևանքով կամրջի վրա գերլարված իրավիճակ է ստեղծվում, ավելանում են թռիչքային կառուցվածքի ճքվածքները։

Ընկերությունը քաղաքային իշխանություններին խնդրել էր «հնարավորինս շտապ» փոխել գծանշումները և այնպես անել, որ կամրջի երթևեկելի հատվածն ունենա  6 շերտ` 3+3:

Սակայն քաղաքապետարանը որոշումն ընդունել է, այն թղթի վրա կա, բայց գործնականում չի կիրառվում․ վարորդները շարունակում են երթևեկել 4 գոտով։

Մանրամասները՝ https://fip.am/41101