ՓԱՍՏԱՉԱՓ
Խոշորացույց
Թիվ-թվանք
Տեսանյութեր
հյ
en
ру
Վանաձորի տեխնոլոգիական կենտրոնում սեպտեմբերի 16-ին տեղի ունեցած մամուլի ասուլիսի ժամանակ վարչապետ Նիկոլ Փաշինյանը ներկայացրեց «100 փաստ Նոր Հայաստանի մասին-2»-ը ։
«Փաստերի ստուգման հարթակը» պարզեց, թե 100 փաստերից որոնք էին համապատասխանում իրականությանը և որոնք էին մանիպուլյատիվ։ 100 փաստից որոշ կետեր կարիք ունեն լրացուցիչ ստուգման, որոնց համար Fip.am-ը հարցումներ է ուղարկել։
Ճիշտ պնդումները
Այսպես, վարչապետի ներկայացրած 100 փաստերից 69-ը ամբողջովին ճիշտ էին, դրանք հիմնականում տնտեսական ցուցանիշներն էին, մասնավորապես՝ արտաքին առևտրի, միջազգային պահուստների, արտաքին պարտքի մասին պնդումները, բյուջետային մուտքերի աճը, հյուրանոցային տնտեսությունների հոսքերը, հարկային բարեփոխումները, պաշտպանության և զինծառայողների խնդիրներին առնչվող պնդումները, առողջապահության ոլորտի ձեռքբերումները, սոցիալական ծրագրերը, աշխատավարձերի բարձրացման մասին պնդումների մեծ մասը, սուբվենցիոն ծրագրերը, մաքսատուրքից ազատման և ԱԱՀ-ից տարաժամկետ վճարման մասին կառավարության տրամադրած արտոնությունները, կրթության ոլորտի մի քանի բարեփոխում, բնապահպանական մի շարք միջոցառումներ, Երևանի քաղաքապետարանի ձեռքբերումները և այլն։
Ստորև ներկայացնում ենք 100 փաստի այն կետերը, որոնք ճիշտ են
Ստուգման փուլում գտնվողներ
Վարչապետի ներկայացրած 100 փաստերից մի քանիսը այժմ ստուգման փուլում են, քանի որ բաց աղբյուրներում և փաստաթղթերում դրանք գտնել հնարավոր չէ։ Fip.am-ը համապատասխան մարմիններին հարցումների և բաց տվյալների համադրման միջոցով կփորձի պարզել, թե որքանով են վարչապետի հայտարարությունները համապատասխանում իրականությանը։
Այդ կետերից են՝ զբոսաշրջիկների, ճանապարհաշինության, մի քանի ապրանքատեսակների գծով արտահանման աճի, զբաղվածության, սպորտային միջոցառումների, օրինապահ մարմինների ներկայացրած հաշվետվությունների և այլնի վերաբերյալ Փաշինյանի պնդումները։
Առանձնահատուկ ուշադրության է արժանի գյուղատնտեսության ոլորտը։
Այս ոլորտի մի քանի ցուցանիշ ստուգելիս Fip.am-ը բախվեց տարօրինակ մի խնդրի։
Պարզվեց՝ ո՛չ Վիճակագրական կոմիտեն, ո՛չ Էկոնոմիկայի նախարարությունը (որին միացվեց գյուղատնտեսության նախարարությունը) չունեն այնպիսի հաշվառում, ինչպիսիք են ջերմոցային տնտեսությունները, կաթիլային ոռոգմամբ հողատարածքները, հակակարկտային ցանցերով պաշտպանված հողատարածքները, սառնարանային տնտեսությունները և այլն։ Այդպես էլ պարզ չէր, թե որ գերատեսչությունն է պատասխանատու այդ ոլորտի համար և ումից կարող ենք ստանալ մեզ անհրաժեշտ տեղեկությունները։
Ստորև ներկայացնում ենք 100 փաստի այն կետերը, որոնք այժմ հարցումների միջոցով ստուգվում են
Փաստեր, որոնք հնարավոր չէ ստուգել
Փաշինյանի հայտարարություններից մի քանիսը դեռևս չիրականացած «փաստեր» էին։ Դրանցից են հարկեր/ՀՆԱ ցուցանիշի ակնկալվող ավելացումը, ստվերային տնտեսության նվազման հստակ ցուցանիշները, զինծառայողների կողմից բուժկետեր դիմելու նվազման դեպքերի մասին պնդումն ու հաջորդ տարի պետական բյուջեով ռազմարդյունաբերության ֆինանսավորման ավելացումը։
Ստորև ներկայացնում ենք 100 փաստի այն կետերը, որոնք այս պահին հնարավոր չէ ստուգել
Մանիպուլյատիվ կամ կեղծ պնդումներ
Այստեղ առանձնացրել ենք վարչապետի այն հայտարարությունները, որոնք ստուգման արդյունքում կեղծ կամ մանիպուլյատիվ են եղել։ Դրանք են՝ Սևանա լճի ջրի ծավալների, Ֆիզիկայի ինստիտուտում գործարկված արագացուցիչի, սահմանահատումների և նվազագույն աշխատավարձի բարձրացման մասին Փաշինյանի պնդումները, որոնց մասին առավել մանրամասն ծանոթացեք այս հոդվածում։
Ստորև ներկայացնում ենք 100 փաստի այն կետերը, որոնք մանիպուլյատիվ են
Այսպիսով, վարչապետի ներկայացրած 100 փաստից 69-ը ճիշտ են, 4-ը՝ մանիպուլյատիվ, 4-ը՝ հնարավոր չէ ստուգել, իսկ 23-ը դեռևս ստուգման փուլում են, և առաջիկայում «Փաստերի ստուգման հարթակը» հանդես կգա նոր հրապարակումներով։
