ՓԱՍՏԱՉԱՓ
Խոշորացույց
Թիվ-թվանք
Տեսանյութեր
հյ
ру
en
Սոցիալական մեդիայում տարածվում են լուրեր, թե ՀՀ զինված ուժերի ստորաբաժանումները հեռանում են Ջերմուկի մոտակայքում գտնվող դիրքերից։
Մասնավորապես, մի շարք ֆեյսբուքյան օգտատերեր, հիմնվելով կեղծ օգտահաշիվների տարածած այդ տեղեկության վրա, խուճապային գրառումներ են արել։
«Փաստերի ստուգման հարթակը» կապ է հաստատել ՀՀ պաշտպանության նախարարի մամուլի քարտուղար Արամ Թորոսյանի հետ, որը հերքել է այդ տեղեկությունը:
«Անհեթեթություն է, ՀՀ ԶՈՒ-ն շարունակում է լիարժեք իրականացնել իր ծառայությունը և պատշաճ կատարել պարտականությունները. Պաշտպանության նախարարությունը առաջնագծի վերաբերյալ իրազեկում է հանրությանը, ուստի հորդորում ենք նմանօրինակ կեղծ և սուտ լուրեր չտարածել»,- Fip.am-ին ասել է Թորոսյանը։
Այսպիսով, ՊՆ-ն հերքում է Ջերմուկի դիրքերից նահանջելու մասին սոցիալական մեդիայում տարածվող լուրերը․ Պաշպանության նախարարությունից պնդում են, որ այդ տեղեկությունները չեն համապատասխանում իրականությանը:
Նանե Մանասյան
