Ոչ մարտական զոհերի քրեական գործերը մնում են քննության փուլում և դրանց չնչին մասն է հասնում դատարան

ՀՀ զինված ուժերում ոչ մարտական պայմաններում մահերի վիճակագրությունը շարունակում է մտահոգիչ մնալ։ Իսկ հարուցված քրեական գործերը մեծ մասամբ տարիներ շարունակ գտնվում են նախաքննության փուլում, և չնչին մասն է մտնում դատաքննության փուլ, առավել ևս՝ դատական վճիռ ունենում։ Փաստացի, 4 տարիների ընթացքում ընդհանուր առմամբ հարուցված 106 գործերի 19%-ն է հասել դատարան, իսկ դատավճիռ ունի միայն 7%-ը։