«Իրավական հետևանք կլինի»․ Հայաստանից մանկատների երեխաների առուվաճառքի մասին տեղեկությունները կեղծ են

ԱՄՆ-ում բնակվող Արայիկ Սարգսյանը, YouTube-ի իր ալիքում անդրադառնալով Գավառի մանկատունը փակելու մասին տեղեկություններին, հայտարարել է, թե ՀՀ աշխատանքի և սոցիալական հարցերի նախարարի և Քենթի արքայազն Մայքլի հետ հանդիպմանը պայմանավորվել են Հայաստանից երեխաների, հատկապես մանկատների երեխաների վաճառել, խնամակալության անվան տակ Հայաստանից տեղափոխել Անգլիա։ ՀՀ աշխատանքի և սոցիալական հարցերի նախարարությունից հերքում են այդ տեղեկությունը՝ համարելով դա անհեթեթություն։