ԲՀԿ-ն գումար է բաժանել հանրահավաքներին մասնակցելու համար (ձայնագրություն)

Երևանի ավագանու ընտրությունների նախօրեին՝ սեպտեմբերի 22-ին, «Անկախ դիտորդ» դաշինքի ներկայացուցիչներ Դանիել Իոաննիսյանը և Արթուր Սաքունցը հանդես եկան մամուլի ասուլիսով, որի ընթացքում խոսեցին մի շարք խնդիրների մասին։

Ասուլիսից րոպեներ առաջ Իոաննիսյանը ֆեյսբուքյան իր էջում գրել էր, որ ձեռք են բերվել հավաստի ապացույցներ` ԲՀԿ-ի հանրավահաքներին մասնակցելու դիմաց գումարներ բաժանելու մասին։

«Մենք հավաստի ապացույցներ ենք ձեռք բերել, որ «Բարգավաճ Հայաստանը» հանրահավաքներին մասնակցելու համար մարդկանց ապօրինաբար վճարել է: Ավելին, ԲՀԿ-ի ներկայացուցիչները վախեցնում են մեզ ազդարարողներին»,- գրել էր Իոաննիսյանը:

Այս տեղեկությունը կտրականապես հերքեցին ԲՀԿ տարբեր ներկայացուցիչներ, իսկ քաղաքապետի թեկնածու Նաիրա Զոհրաբյանը հայտարարեց Իոաննիսյանին դատի տալու մասին։

Մենք, սակայն, այժմ հրապարակում ենք հեռախոսազրույցի ձայնագրություն, որում ներկայացված է, թե ինչպես է «Բարգավաճ Հայաստան» կուսակցությունը գումար վճարել բազմաթիվ ակտիվիստների` ֆլեշմոբերին և հանրահավաքներին մասնակցելու դիմաց։

Անձնական տվյալների պաշտպանությունից, ինչպես նաև զրուցակիցների անվտանգությունից ելնելով` ձայնագրությունից հեռացված են բոլոր հնչած անունները։ Միաժամանակ հայտնում ենք, որ իրավապահ մարմիններին փոխանցված տեղեկությունը ամբողջական է։

 

ՈՒՇԱԴՐՈՒԹՅՈՒՆ

Հարգելի՛ ընթերցող, տեղեկացնում ենք, որ

SUT.am-ը շուտով հանդես է գալու նոր՝ «Փաստերի ստուգման հարթակ» անունով և FIP.am կայքով։