35 հարկանի 5 շենք Օրբելի փողոցում․ ՇՄԱԳ-ը խնդիր չի տեսնում

Երևանի ամենաբանուկ հատվածներից մեկում՝ Օրբելի-Բաղրամյան խաչմերուկում, ծրագրում են կառուցել 35 հարկանի 5 շենք՝ հարակից ենթակառուցվածքներով։ Օրբելի 23, 27, 29 հասցեներում այդ բարձրահարկ շենքերով բազմաֆունկցիոնալ բնակելի համալիրի կառուցումը հանրության ու հատկապես տարածքի բնակիչների մոտ բազում հարցեր ու մտահոգություններ է առաջացրել, մինչդեռ պետական մասնագիտական կառույցները Երևանի համար անսովոր հսկայական շինությանը դեմ չեն ու դրական եզրակացություն են տվել այն կառուցելուն։