Արթուր Վանեցյանի ընտանիքը Հայաստանում է

«Իրատես» թերթը, անդրադառնալով Ազգային անվտանգության տնօրեն Արթուր Վանեցյանին, ապատեղեկատվություն  է տարածել։

Հղում տալով «որոշ տեղեկությունների»՝ թերթը գրում է․ «արդեն մի քանի ամիս է Արթուր Վանեցյանն իր ընտանիքը, երեխաներին երկրից դուրս է հանել՝ չեզոքացնելու համար նրանց սպառնացող վտանգը։ Պաշտոնյան նաև նեղ շրջապատում դժգոհել է, որ շատ դժվար գործ է ստանձնել, ինչը կարող է իր և իր մերձավորներին լուրջ գլխացավանք պատճառել»։

Այս տեղեկությունը, առանց ստուգելու, իրենց մոտ են տեղադրել նաև tert.am-ը և ռուսական Sputnik գործակալությունը։

«Փաստերի ստուգման հարթակը», տեղեկության իսկությունը ստուգելու նպատակով, կապ հաստատեց ԱԱԾ մամուլի խոսնակ Սամսոն Գալստյանի հետ, ով մեզ հետ զրույցում հերքեց տեղեկությունը՝ նշելով, որ Վանեցյանի ընտանիքի անդամները Հայաստանում են։

Ռաֆայել Աֆրիկյան

 

ՈՒՇԱԴՐՈՒԹՅՈՒՆ

Հարգելի՛ ընթերցող, տեղեկացնում ենք, որ

SUT.am-ը շուտով հանդես է գալու նոր՝ «Փաստերի ստուգման հարթակ» անունով և FIP.am կայքով։