ՓԱՍՏԱՉԱՓ
Խոշորացույց
Թիվ-թվանք
Տեսանյութեր
հյ
ру
en
Օրերս հայաստանյան մի շարք հասարակական կազմակերպություններ էլեկտրոնային խորհրդավոր նամակներ էին ստացել ոմն Ջոն Չափելից՝ իբր ԱՄՆ Միջազգային զարգացման գործակալության աշխատակից:
Տարօրինակ, խորհրդավոր ու անընթեռնելիության աստիճանի հասնող տառասխալներով համեմված այս գրության իմաստն այն էր, որ ՀԿ-ներին ծրարգրի շրջանակներում առաջարկվում էր օգնել ԵԼՔ նախընտրական դաշինքին ու Ազատ դեմոկրատներ կուսակցությանը:
Այս ամենով հանդերձ, նամակն այնքան անհեթեթ ու անփույթ է, որ դրա կեղծ լինելը մատնվում է հենց առաջին բառերից: Մասնավորապես, աչքի է ընկնում այն, որ նամակն ուղարկված է սովորական Gmail-ի հասցեից, ուղարկված է ուշ երեկոյան, իսկ Ջոն Չափել անունով մարդ Հայաստանում ընդհանրապես չի աշխատում:
ԱՄՆ դեսպանատունը ձեռնպահ է մնացել նամակի բովանդակությունը հերքելուց՝ փոխարենն առաջարկելով խաղ՝ ով նոր սխալներ ու, այսպես ասած, կիքսեր կգտնի նամակում:
Նկատենք, սակայն, որ ԱՄՆ ՄԶԳ-ի անունից իրական ՀԿ-ներին նման բովանդակությամբ նամակներ ուղարկելը հստակ վկայում է այն մասին, որ փորձ է արվել իբր կոմպրոմատիվ տեղեկություններ ստանալ, այնինչ, հենց նման քայլի գնացողներն են հայտնվել ծայրահեղ անհարմար ու անհեթեթ դրության մեջ:
