Վարչապետի աշխատակազմն ուռճացված թվեր է հրապարակում, ապա «աննկատ» խմբագրում դրանք

Վարչապետի աշխատակազմը պետգույքի վարձակալությունից ստացված բյուջեի մուտքերի փոխարեն նախ ներկայացրել է օտարումից բյուջե մուտքագրված գումարները և հայտարարել, որ վարձակալությունից ստացված գումարները նախորդ տարվա համեմատ 200 տոկոսով աճել են։ Այնուհետև փոփոխել և ներկայացրել է իրական մուտքերը, սակայն նախորդ տարվա համեմատությունը թողել է անփոփոխ։ Կատարված փոփոխության վերաբերյալ որևէ ծանուցում չի արվել։