Ուրիշի փոխարեն քվեարկության դեպք Աջափնյակում

Երևանի Աջափնյակ վարչական շրջանի թիվ 155 դպրոցում տեղակայված 6/18 ընտրատեղամասում քաղաքացին ընտրողների ցուցակը ստորագրելու պահին հայտնաբերել էր, որ իր անվան դիմաց արդեն իսկ ստորագրված է։

Հանձնաժողովի նախագահի խոսքով՝ տեղի էր ունեցել վրիպակ, սակայն ընտրողը պնդում էր, որ չէր կարող դա վրիպակ լինել, քանի որ ընտրողների ցուցակում իր անվան վերևում ու ներքևում ընտանիքի անդամների անուններն են, որոնք արդեն իսկ քվեարկել էին, և չէր կարող հանձնաժողովի անդամը շփոթվել։

Կատարվածի վերաբերյալ կազմվել է արձանագրություն, իսկ քաղաքացուն թույլ է տրվել կատարել ընտրություն։