Քարոզչական էջերը խախտել են «լռության օրվա» կարգը

Երևանի ավագանու ընտրության «լռության օրը»՝ սեպտեմբերի 16-ին, «Փաստերի ստուգման հարթակը» սոցիալական մեդիայում նկատել է գովազդի միջոցով քարոզչություն։ 

Հիշեցնենք, որ համաձայն ՀՀ ընտրական օրենսգրքի 19-րդ հոդվածի՝ «քվեարկության և դրան նախորդող օրը քարոզչությունը հրապարակային ելույթների, հրապարակային միջոցառումների միջոցով, զանգվածային լրատվության միջոցներով, այդ թվում՝ կաբելային (մալուխային) ցանցով, արբանյակային կապով և վերգետնյա եթերային հեռարձակմամբ տեսալսողական մեդիածառայություն մատուցողների կողմից, ինչպես նաև համացանցում գովազդի միջոցով արգելվում է»։ 

Մասնավորապես, FIP․am-ն արձանագրել է սեպտեմբերի 16-ին քարոզչական բովանդակություն տարածող ֆեյսբուքյան այնպիսի էջեր, որոնք քարոզչություն են իրականացրել հօգուտ «Քաղաքացիական պայմանագիր» կուսակցության քաղաքապետի թեկնածու Տիգրան Ավինյանի և ընտրապայքարում նրա մրցակիցներ՝ Հայկ Մարությանի ու Մանե Թանդիլյանի դեմ։ 

Խոսքը «Armenian News», Հայ շինարար էջերի մասին է, որոնց գործունեության վերաբերյալ FIP,am-ն ավելի վաղ ծավալուն հետաքննություն էր հրապարակել։

Էջերից առաջինը «լռության օրը» երկու հրապարակում է արել ընդդեմ Հայկ Մարությանի։

Երկու հրապարակումների դեպքում էլ գովազդ է միացված եղել։

Հաջորդ էջը՝ «Հայ շինարարը», նույնպես թիրախավորել է Մարությանին։

Վերոհիշյալ հրապարակման դեպքում նույնպես միացված է եղել գովազդը։

«Փաստերի ստուգման հարթակը» շարունակում է համացանցի մշտադիտարկումը՝ արձանագրելու «լռության օրվա» կարգը խախտող սոցիալական մեդիայի էջերն ու օգտահաշիվները։ 

Նանե Մանասյան